A vila de Ferreira naceu en torno a un mercado que tivo a súa orixe polos séculos XVIII e XIX. Por aqueles tempos dos inicios da vila ocupaba o centro da mesma unha capeliña, a ermida de Santa María de Ferreira, situada no que hoxe é a Praza de Santa María, que foi derrubada hai uns anos para facilitar a circulación polo centro da vila. Paralelamente ó derrubo da ermida constrúese a actual igrexa de Ferreira, de estilo neogótico. Noutros tempos foi importante a presenza en Ferreira de comerciantes procedentes de Castela e da maragatería. Contribuíron tamén moito os veciños enriquecidos en Cuba a finais do século XIX e principios do século XX. Hoxe o mercado de Ferreira perdeu algo de importancia, pero a praza de Santa María segue sendo o centro neurálxico do Valadouro.
No hay comentarios:
Publicar un comentario